ఘోర ప్రమాదం.. నదిలో పడిపోయిన బస్సు.. 12 మంది మృతి

దిశ, వెబ్‌డెస్క్ : మధ్యప్రదేశ్‌లో ఘోర రోడ్డు ప్రమాదం జరిగింది. రాష్ట్రంలోని ధార్ జిల్లాలో సోమవారం ఉదయం ఖాల్ ఘాట్ వద్ద బస్సు అదుపుతప్పి నదిలో పడిపోయింది. ప్రమాద సమయంలో బస్సులో 40 మంది ప్రయాణికులు ఉన్నట్లు సమాచారం. ఇక ఈ ప్రమాదంలో 12 మంది మృతి చెందగా, 5 గురి మృతదేహాలు లభ్యం అయ్యాయి. మిగితా వారికోసం అధికారులు గాలింపు చర్యలు చేపట్టారు. ఇండోర్ నుంచి పుణే వెళ్తుండగా ప్రమాదం జరిగినట్లు తెలుస్తుంది. కాగా, ప్రమాద విషయం తెలుసుకున్న పోలీసులు రెస్కూ టీం.. ఘటనా స్థలానికి చేరుకుని సహాయక చర్యలు చేపట్టారు.