Today's horoscope(June 01):మిథున రాశిలో గ్రహాల సంచారం.. ఆ 5 రాశుల వారికి కాసుల వర్షం!

జ్యోతిష్య శాస్త్రం ప్రకారం.. గ్రహాల సంచారం రాశి చక్రములోని 12 రాశుల పై ప్రభావం చూపుతుంది. అయితే.. ఈరోజు(సోమవారం) మిథున రాశిలో బుధ, గురు, శుక్ర గ్రహాల కలయిక వల్ల 'త్రిగ్రాహి యోగం' ఏర్పడుతోందని జ్యోతిష్య నిపుణులు చెబుతున్నారు. దీని ప్రభావం వల్ల కొన్ని రాశుల వారికి విశేషమైన ఆర్థిక లాభాలు కలగనున్నాయి. ఆ రాశులు ఏవో ఇప్పుడు తెలుసుకుందాం.

మేష రాశి: ఈరోజు మీకు చాలా అనుకూలంగా ఉంటుంది. ఆర్థిక పరిస్థితి గతంలో కంటే మెరుగవుతుంది. ఉద్యోగంలో మీ శ్రమకు తగిన గుర్తింపు, ఉన్నతాధికారుల ప్రశంసలు లభిస్తాయి. నూతన ప్రాజెక్టులు ప్రారంభించడానికి మంచి సమయం. కుటుంబంతో కలిసి వస్త్రాభరణాలు కొనుగోలు చేసే అవకాశం ఉంది. ఈ రోజు సూర్య నమస్కారాలు లేదా సూర్య ధ్యానం చేయడం వల్ల విజయం లభిస్తుంది.

వృషభ రాశి: ఈ రాశి వారికి ఇవాళ ధనయోగం పడుతుంది. కొత్త ఆదాయ మార్గాలు లభిస్తాయి. తలపెట్టిన పనుల్లో చిన్నపాటి ఆటంకాలు ఎదురైనా, పట్టుదలతో పూర్తి చేస్తారు. బంధుమిత్రుల సహకారం ఉత్సాహాన్ని ఇస్తుంది. మాట్లాడేటప్పుడు కొద్దిగా సంయమనం పాటించడం మంచిది. ఈరోజు శ్రీ వెంకటేశ్వర స్వామి దర్శనం లేదా స్మరణ మరిన్ని శుభ ఫలితాలు ఇస్తుంది.

మిథున రాశి: ఈ రాశిలో గ్రహాల అనుకూలత వల్ల ఆత్మవిశ్వాసం పెరుగుతుంది. నిరుద్యోగులకు కొత్త ఉద్యోగ అవకాశాలు లభిస్తాయి. పెళ్లి ప్రయత్నాలు సానుకూలమవుతాయి. సమాజంలో గౌరవ మర్యాదలు పెరుగుతాయి. పాత వివాదాలు మీకు అనుకూలంగా మారుతాయి. ఇష్ట దైవ స్తోత్ర పారాయణం చేయడం వల్ల ఆత్మబలం పెరుగుతుంది.

కర్కాటక రాశి: ఉద్యోగంలో అదనపు పనిభారం ఉన్నప్పటికీ, సహచరుల సహకారం తో విజయవంతంగా పూర్తి చేస్తారు. ఆర్థికంగా స్థిరత్వం ఉంటుంది. సంతానం నుండి శుభవార్తలు వింటారు. కుటుంబ సమస్యలు, తోబుట్టువులతో ఉన్న విభేదాలు తొలగిపోతాయి. ప్రయాణాలు లాభదాయకంగా ఉంటాయి. శివనామ స్మరణ చేయడం వల్ల మానసిక ప్రశాంతత లభిస్తుంది.

సింహ రాశి: ఈ రాశి వారికి త్రిగ్రాహి యోగం వల్ల వ్యాపార పరంగా అద్భుతమైన లాభాలు వచ్చే అవకాశం ఉంది. కుటుంబంలో సంతోషకర వాతావరణం నెలకొంటుంది. నూతన వాహనం లేదా స్థిరాస్తి కొనుగోలు ప్రయత్నాలు ఫలిస్తాయి. ఉద్యోగస్తులకు అదనపు ఆదాయ మార్గాలు కనిపిస్తున్నాయి. నవగ్రహ శ్లోకాలు పఠించడం వల్ల ప్రతికూలతలు తొలగుతాయి.

కన్య రాశి: వీరికి ఈ రోజు అదృష్టం కలిసి వస్తుంది. ఆకస్మిక ధనలాభం సూచనలు ఉన్నాయి. మీ తెలివితేటలతో పాత ఆర్థిక సమస్యలు పరిష్కరించుకుంటారు. వ్యాపార విస్తరణకు మీరు చేసే ప్రయత్నాలు సఫలమవుతాయి. కుటుంబ సభ్యుల సలహాలు మీకు మార్గదర్శకంగా నిలుస్తాయి. దుర్గా శ్లోక పఠనం లేదా అమ్మవారి ఆరాధన ఆత్మవిశ్వాసాన్ని ఇస్తుంది.

తులా రాశి: ఆర్థిక లావాదేవీల్లో ఈరోజు అప్రమత్తంగా ఉండాలి. ఎవరినీ గుడ్డిగా నమ్మి పెద్ద మొత్తంలో అప్పులు ఇవ్వకండి. ఖర్చులు పెరిగే అవకాశం ఉన్నందున బడ్జెట్ ప్లాన్ చేసుకోవడం అవసరం. వ్యాపారంలో పోటీ ఎదురైనా మీ ఆదాయం నిలకడగా ఉంటుంది. శివయ్య అనుగ్రహం మీకు లభిస్తుంది. సోమవారం శివాలయం దర్శనం చేసుకోవడం మంచిది.

వృశ్చిక రాశి: ఉద్యోగ, వ్యాపారాల్లో బుద్ధిబలంతో వ్యవహరించడం వల్ల ఆటంకాలు తొలగుతాయి. ఆర్థిక వ్యవహారాల్లో ఆచితూచి నిర్ణయాలు తీసుకోవాలి. ఎట్టి పరిస్థితుల్లోనూ మనోధైర్యం కోల్పోవద్దు. శారీరక శ్రమ పెరగవచ్చు, కాబట్టి ఆరోగ్యంపై ప్రత్యేక శ్రద్ధ పెట్టడం అవసరం. హనుమాన్ చాలీసా పఠించడం మేలు చేస్తుంది.

ధనుస్సు రాశి: వీరికి ఈ రోజు సానుకూల ఫలితాలు ఉన్నాయి. వృత్తి, ఉద్యోగ, వ్యాపార రంగాల్లో ప్రోత్సాహకరమైన వాతావరణం ఉంటుంది. ఆర్థిక వ్యవహారాలకు సంబంధించి కీలక నిర్ణయాలు తీసుకుంటారు. కుటుంబ పరిస్థితులు అనుకూలంగా మారుతాయి. మానసిక ప్రశాంతత లభిస్తుంది. గురు చరిత్ర పారాయణం లేదా దక్షిణామూర్తి స్తోత్రం చదవడం శుభప్రదం.

మకర రాశి: ఈరోజు మిశ్రమ ఫలితాలు ఉంటాయి. చేపట్టిన పనుల్లో చిత్తశుద్ధి అవసరం. లక్ష్యం నుంచి దృష్టి మరలకుండా జాగ్రత్త వహించండి. ఖర్చులు మితిమీరకుండా చూసుకోవాలి. ప్రయాణాల్లో జాగ్రత్త అవసరం. ఉద్యోగంలో మీ సహనమే మిమ్మల్ని కాపాడుతుంది. శని దేవుని స్తోత్రం లేదా హనుమాన్ ఆరాధన ఉపశమనాన్ని ఇస్తుంది.

కుంభ రాశి: శివయ్య అనుగ్రహం మరియు త్రిగ్రాహి యోగ ప్రభావంతో కుంభ రాశి వారికి ఊహించని ఆర్థిక లాభాలు కలిగే అవకాశం ఉంది. దీర్ఘకాలిక పెట్టుబడులకు ఈరోజు అనుకూలమైన సమయం. సమాజంలో మీ కీర్తి ప్రతిష్టలు పెరుగుతాయి. నిలిచిపోయిన పనులు వేగం పుంజుకుంటాయి. శివునికి అభిషేకం లేదా ఓం నమః శివాయ మంత్ర జపం మంచిది.

మీన రాశి: మీన రాశి వారికి ఈ రోజు సామాన్యంగా ఉంటుంది. ముఖ్యమైన వ్యవహారాల్లో పెద్దల సలహా తీసుకోవడం మంచిది. అనవసరపు ఖర్చులు పెరిగే సూచనలు ఉన్నాయి, కాబట్టి పొదుపు పై దృష్టి పెట్టండి. బంధువులతో మాట్లాడేటప్పుడు కోపతాపాలకు తావివ్వకండి. ఆరోగ్యం పట్ల శ్రద్ధ అవసరం. శ్రీ లక్ష్మీ నారాయణ స్వామి ఆరాధన శుభ ఫలితాలను ఇస్తుంది.