పవన్ కల్యాణ్ కుమారుడు అకీరా నందన్పై AI వీడియో.. ఒకరు అరెస్ట్
పవన్ కల్యాణ్ కుమారుడు అకీరా నందన్పై క్రియేట్ చేసిన ఐఏ వీడియోపై నెట్టింట తీవ్ర చర్చ జరిగిన విషయం తెలిసిందే.
దిశ, వెబ్డెస్క్: పవన్ కల్యాణ్ కుమారుడు అకీరా నందన్పై క్రియేట్ చేసిన ఐఏ వీడియోపై నెట్టింట తీవ్ర చర్చ జరిగిన విషయం తెలిసిందే. తాజాగా AI వీడియో చేసిన వ్యక్తిని కాకినాడ జిల్లా పోలీసులు అరెస్ట్ చేశారు. తన ప్రతిష్ట, వ్యక్తిగత గోప్యత, భద్రతకు భంగం కలుగుతోందని ఇటీవలే ఢిల్లీ హైకోర్టులో అకీరా నందన్ పిటిషన్ దాఖలు చేశారు. తన పేరు, పోటోలు, వీడియోలు డీప్ ఫేక్ ఉపయోగించి చేసే కంటెంట్ను ప్రసారం చేయకుండా నిలువరించాలని పిటిషన్లో కోరారు. దీంతో అకీరా నందన్పై AI వీడియో చేసిన వ్యక్తిని కాకినాడ జిల్లా సర్పవరం పోలీసులు అరెస్ట్ చేశారు.
ఇదిలా ఉంటే.. తనదైన వ్యక్తిత్వంతో యువతలో ప్రత్యేక గుర్తింపు తెచ్చుకున్నాడు అకీరా నందన్. రాజకీయంగా గానీ, సినిమాల పరంగా గానీ ఇప్పటివరకు ఎలాంటి అధికారిక ఎంట్రీ ఇవ్వకపోయినా, పవన్ కల్యాణ్ కుమారుడిగా సహజంగానే ఆయనపై ప్రజల్లో ఆసక్తి ఉంటుంది. అయితే ఆ ఆసక్తిని కొందరు బాధ్యతారాహిత్యంగా, చట్టవిరుద్ధంగా వాడుకుంటుండటం ఇప్పుడు తీవ్ర చర్చకు దారి తీసింది. తన పేరు, ఫేస్, వాయిస్ను అనుమతి లేకుండా వాడుతూ ఏఐ ఆధారిత కంటెంట్ను సోషల్ మీడియాలో విస్తృతంగా ప్రచారం చేయడంపై అకీరా నందన్ గట్టి చర్యలకు దిగారు. దీంతో అంతా అప్రమత్తం అయ్యారు.
