ఆదిలాబాద్‌లో విచిత్ర ఘటన.. పాలు తాగుతున్న నంది!

దిశ, అదిలాబాద్: ఆదిలాబాద్ లోని ఆలయంలో విచిత్ర ఘటన చోటుచేసుకున్నది. ఈ విషయం తెలుసుకున్న పట్టణ ప్రజలతోపాటు వివిధ గ్రామాలకు చెందిన ప్రజలు తండోపతండాలుగా తరలివచ్చి ఆసక్తిగా తిలకిస్తున్నారు. పట్టణంలోని క్రాంతి నగర్ కాలనీలో గల గాండ్ల సంఘం శివాలయంలో భక్తులు రోజువారీగా శనివారం సైతం సాయంత్రం పూజా కార్యక్రమాలను నిర్వహించారు. ఓ భక్తుడు అభిషేకం చేస్తుండగా నంది పాలు తాగిందని తెలిపాడు. అనంతరం ఆ విషయాన్ని కాలనీవాసులకు తెలియజేయగా.. భక్తులు తండోపతండాలుగా తరలివచ్చి నందికి పాలు పోస్తున్నారు. ఈ విచిత్ర ఘటనను చూసి పట్టణ ప్రజలు నివ్వెరపోతున్నారు.