మగాడు తన క్రూరత్వాన్ని చూపించడానికి వివాహం లైసెన్స్ కాదు: కర్ణాటక హైకోర్టు

దిశ, వెబ్‌డెస్క్: మగాడు తన క్రూరత్వాన్ని ఆడవారిపై చూపించడానికి వివాహం ఏమీ లైసెన్స్ కాదని కర్ణాటక హైకోర్టు సంచలన వ్యాఖ్యలు చేసింది. తనపై తన భార్య పెట్టిన అత్యాచారం ఆరోపణలను ఎత్తి వేయాలని కోరుతూ.. ఓ వ్యక్తి కర్ణాటక కోర్టులో పిటిషన్ దాఖలు చేశాడు. ఈ పిటిషన్‌ను కర్ణాటక హైకోర్టు తిరస్కరించింది. ఈ సందర్భంగా కోర్టు కీలక వ్యాఖ్యలు చేసింది. వివాహం వలన పురుషులకు ఎటువంటి ప్రత్యేక హక్కు రాదని.. పురుషుడు తన భార్యపై క్రూరత్వాన్ని చూపించడానికి ఎటువంటి హక్కు కల్పించదని జస్టిస్ ఎం నాగ ప్రసన్న పేర్కొన్నారు.