Samantha: ఇలాంటి గొప్ప అవకాశం వస్తుందని అస్సలు ఊహించలేదు.. సమంత ఎమోషనల్ పోస్ట్
ఢిల్లీలోని రాష్ట్రపతి భవన్లో ఇటీవల నిర్వహించిన ప్రతిష్టాత్మక 'అట్ హోమ్' రిసెప్షన్ వేడుకలో టాలీవుడ్ స్టార్ హీరోయిన్ సమంత (Samantha)ప్రత్యేక ఆకర్షణగా నిలిచింది.
దిశ, సినిమా: ఢిల్లీలోని రాష్ట్రపతి భవన్లో ఇటీవల నిర్వహించిన ప్రతిష్టాత్మక 'అట్ హోమ్' రిసెప్షన్ వేడుకలో టాలీవుడ్ స్టార్ హీరోయిన్ సమంత (Samantha)ప్రత్యేక ఆకర్షణగా నిలిచింది. గతేడాది డిసెంబర్లో ప్రముఖ దర్శకుడు రాజ్ నిడిమోరును వివాహం చేసుకున్న తర్వాత సినిమాలతో పాటు వ్యక్తిగత జీవితాన్ని ఎంజాయ్ చేస్తున్న సామ్, ఈ వేడుకలో ప్రధాని నరేంద్ర మోదీ, ఉప రాష్ట్రపతి జగదీప్ ధన్ఖర్ వంటి ప్రముఖులతో కలిసి పాల్గొన్నారు. వివిధ రంగాలకు చెందిన దిగ్గజాలు హాజరైన ఈ కార్యక్రమంలో సమంత పాల్గొనడం ఆమె కెరీర్లో మరో అరుదైన గౌరవంగా నిలిచింది. ఈ విషయాన్ని తెలుపుతూ సామ్ తన ఇన్స్టాగ్రామ్ ద్వారా ఓ ఎమోషనల్ పోస్ట్ను పెట్టింది. తానొక సామాన్య స్థాయి నుంచి వచ్చి, ఇలాంటి గొప్ప వేదికపై నిలబడతానని ఎప్పుడూ ఊహించలేదని ఆమె పేర్కొన్నారు.
ఎదుగుతున్న క్రమంలో తనకు సరైన దిశానిర్దేశం చేసేవారు లేరని, ఇలాంటి అద్భుతమైన కలలు కనడం కూడా అప్పట్లో తనకు చాలా పెద్ద విషయమని సామ్ వివరించారు. కేవలం కష్టాన్ని నమ్ముకుని పనిచేయడం వల్లే తనకు ఈ గౌరవం దక్కిందని, ఇలాంటి గొప్ప అవకాశం వస్తుందని అస్సలు ఊహించలేదని చెప్పింది. ఈ దేశానికి ఎప్పటికీ కృతజ్ఞురాలినని ఆమె ఎమోషనల్ అయ్యారు. ప్రస్తుతం సమంత షేర్ చేసిన ఈ ఫొటోలు సోషల్ మీడియాలో విపరీతంగా వైరల్ అవుతున్నాయి. పెళ్లి తర్వాత తన సెకండ్ ఇన్నింగ్స్లో ఫుల్ ఫామ్లో ఉన్న ఆమె, వరుస ప్రాజెక్టులతో బిజీగా ఉంటూనే తన పర్సనల్ లైఫ్ ఎదుగుదలతో అభిమానులకు స్ఫూర్తినిస్తున్నారు. కష్టపడితే ఏ స్థాయికైనా చేరుకోవచ్చని నిరూపించిన సమంతపై నెటిజన్లు ప్రశంసల వర్షం కురిపిస్తున్నారు.
