యోగా టిప్.. చక్రాసనం ఎలా వేయాలి..?

దిశ, ఫీచర్: యోగాలోని చక్రాసనం వేయడానికి మొదట వెల్లకిలా పడుకోవాలి. తరువాత కాళ్ళు మడిచి, చేతులను భుజాల కిందుగా ఆనించి, కొద్దిగా శ్వాస పీల్చి కుంభించి నడుమును వీలైనంత పైకి ఎత్తాలి. మెడ కిందికి వేలాడుతుండాలి. కొద్ది క్షణాలు ఈ స్థితిలో ఉన్న తర్వాత మెల్ల మెల్లగా తలను నేలపై ఆనించి నడుమును కూడా ఆనించాలి. దీని తర్వాత కొద్ది క్షణాల సేపు శవాసనం వేసి విశ్రాంతి తీసుకోవాలి.

ఉపయోగాలు:

* వెన్నునొప్పి తగ్గిపోతుంది.

* ఊపిరితిత్తుల సామర్థ్యం పెరుగుతుంది.

* థైరాయిడ్, శ్వాస సంబంధిత రోగాలు తొలిగిపోతాయి.

* చేతులు, భుజాలు, మోకాళ్లు, తొడలు, మణికట్టు శక్తివంతంగా మారుతాయి.

* పొత్తి కడుపు కండరాలు బలంగా తయారవుతాయి.

* అజీర్తి, గ్యాస్ట్రిక్ సమస్య, మలబద్ధకం పోతాయి.

* రుతుక్రమం సమస్యలు తగ్గుతాయి.

* ముఖంలో కాంతి పెరుగుతుంది.

గమనిక:

హైబీపీ, మైగ్రేన్, బ్రెయిన్‌కు సంబంధించిన సమస్యలు ఉన్న వారు చేయకూడదు.