విషాదం.. వ్యవసాయ మార్కెట్‌లో హమాలీ మృతి

దిశ, నర్సంపేట: వ్యవసాయ మార్కెట్ లో ప్రమాదవశాత్తు విద్యుత్ వైర్లు తాకి ఓ హమాలీ మృత్యువాతపడిన సంఘటన నెక్కొండ వ్యవసాయ మార్కెట్ లో చోటు చేసుకుంది. విశ్వసనీయ సమాచారం ప్రకారం... పనికర గ్రామానికి చెందిన మూల సంజీవ అనే వ్యక్తి రోజువారీగా హమాలీ పనికి వెళ్లాడు. ఈ నేపథ్యంలో మార్కెట్ లో మొక్క జొన్న లోడ్ ని దించుతుండగా ప్రమాదవశాత్తు పైన ఉన్న విద్యుత్ తీగలు తగిలి విద్యుత్ షాక్ కి గురయ్యాడు. అక్కడికక్కడే దుర్మరణం పాలయ్యాడు. సంజీవ మృతితో వ్యవసాయ మార్కెట్ లో విషాదం చోటుచేసుకుంది.