అథ్లెట్ జ్యోతి యర్రాజీకి ప్రభుత్వం గుడ్ న్యూస్

దిశ, వెబ్ డెస్క్ : అథ్లెట్ జ్యోతి యర్రాజీకి ఆంధ్రప్రదేశ్ కూటమి ప్రభుత్వం గుడ్ న్యూస్ తెలిపింది. 2025లో జరిగిన ఏషియన్ అథ్లెటిక్స్ ఛాంపియన్‌షిప్‌లో జ్యోతి స్వర్ణ పతకం గెలుచుకున్న సంగతి తెలిసిందే. ఈ నేపథ్యంలో ప్రభుత్వం ఆమె ప్రతిభను గుర్తిస్తూ గ్రూప్-1 ప్రభుత్వ ఉద్యోగాన్ని, విశాఖపట్నంలో 500 గజాల ఇంటి స్థలాన్ని బహుమతిగా ప్రకటించింది. ప్రభుత్వం అందించిన బహుమతిపై జ్యోతి సంతోషం వ్యక్తం చేసింది. తనకు ఈ స్థాయిలో ప్రోత్సాహం అందించిన సీఎం చంద్రబాబు నాయుడు, డిప్యూటీ ముఖ్యమంత్రి పవన్ కల్యాణ్, మంత్రి నారా లోకేష్ కు హృదయపూర్వక కృతజ్ఞతలు తెలిపింది. "నాకు ఇలాంటి గౌరవం దక్కడం చాలా సంతోషంగా ఉంది. మీ అందరి ప్రోత్సాహం వల్లే నేను ఈ విజయం సాధించగలిగాను. ఇకపై కూడా దేశానికి, రాష్ట్రానికి గర్వకారణంగా మరిన్ని పతకాలు తెచ్చేందుకు కష్టపడతాను" అని జ్యోతి యర్రాజీ భావోద్వేగ వీడియోను విడుదల చేసింది.