ఆరుతడి పంటలపై రైతులు దృష్టి సారించాలి: ఏఈఓ సంతోష్

దిశ, మామడ: వర్షాలు సకాలంలో కురవకపోవడంతో రైతులు ఆరుతడి పంటలపై దృష్టి సారించాలని శనివారం మండలంలోని బండల ఖానాపూర్, పొన్కల్ గ్రామాలతో పాటు ఆయా గ్రామాల్లో ఆరుతడి పంటలు, ఆయిల్ ఫామ్ సాగు పై రైతులకు అవగాహన సదస్సు నిర్వహించారు. ఈ సందర్భంగా వారు మాట్లాడుతూ.. ఆయిల్ ఫామ్ సాగుతో అధిక లాభాలు సాధించవచ్చని, ఎకరానికి 50 మొక్కలు నాటాలన్నారు. మొక్కలు నాటిన నాలుగేళ్ల అనంతరం ఎకరానికి 8 నుంచి 12 టన్నుల కాయల దిగుబడి వస్తాయని ఆయన పేర్కొన్నారు. నీటిని నిల్వ చేయడానికి ఇంకుడు గుంతలు నిర్మించుకోవాలని సూచించారు. ఈ కార్యక్రమంలో ఏఈఓలు, పంచాయతీ కార్యదర్శులు, ఉప సర్పంచులు, వార్డు సభ్యులు, నాయకులు, రైతులు పాల్గొన్నారు.