శనివారం నుంచి ఎప్ సెట్ ఇంజనీరింగ్ పరీక్షలు.. విద్యార్థుల కోసం కటాఫ్ వివరాలు విడుదల!

దిశ, తెలంగాణ బ్యూరో: రాష్ట్రవ్యాప్తంగా టీజీఈఏపీ సెట్-2026 ప్రవేశ పరీక్షలు నేటి నుండి ప్రారంభం కానున్నాయి. ఈ నేపథ్యంలో విద్యార్థుల సౌకర్యార్థం తాము ఆశించే కాలేజీలు, బ్రాంచ్‌ల ఎంపికపై అవగాహన కోసం గతేడాదికి సంబంధించిన మూడు విడతల కటాఫ్ ర్యాంకుల వివరాలను అధికారిక వెబ్‌సైట్‌లో అందుబాటులో ఉంచారు. విద్యార్థులు https://tgeapcet.nic.in సందర్శించి పూర్తి వివరాలు తెలుసుకోవచ్చు. ఈ కటాఫ్ ర్యాంకుల స్టేట్‌మెంట్లను కాలేజీల వారీగా, బ్రాంచ్ వారీగా, జెండర్ వైస్, కేటగిరీల వారీగా పొందుపరిచారు. ప్రవేశ పరీక్షలు రాయబోతున్న విద్యార్థులకు, ఆ తర్వాత కౌన్సిలింగ్ సమయంలో ఏ ర్యాంకుకు ఏ కాలేజీలో సీటు వచ్చే అవకాశం ఉందో ముందుగానే ఒక అంచనాకు రావడానికి ఈ సమాచారం ఉపయోగపడుతుందని సాంకేతిక విద్య కమిషనర్, టీజీసెట్-2026 కన్వీనర్ ఎ. శ్రీదేవసేన తెలిపారు.