మాజీ కేంద్ర మంత్రిపై కేసు.. ఏమీ లేకుండా ర్యాలీ చేశారంటూ..

దిశ, మహబూబాబాద్ : మాజీ కేంద్ర మంత్రి, కాంగ్రెస్ నాయకుడు పోరిక బలరాం నాయక్‌పై మహబూబాబాద్ టౌన్ పోలీస్ స్టేషన్లలో గురువారం కేసు నమోదు చేసినట్లు మహబూబాబాద్ టౌన్ సీఐ సతీష్ తెలిపారు. సీఐ కథనం ప్రకారం వివరాలు ఇలా ఉన్నాయి. ఈ నెల 6వ తేదీన కాంగ్రెస్ పార్టీ ఆధ్వర్యంలో జిల్లా కేంద్రంలో కేంద్ర ప్రభుత్వం పెంచిన పెట్రోల్, డీజిల్, గ్యాస్ ధరలను తగ్గించాలని కలెక్టర్ కార్యాలయం వద్ద నిరసన ర్యాలీ చేపట్టారు. ఈ కార్యక్రమంపై ఎలాంటి అనుమతులు తీసుకోలేదని పోరిక బలరాం నాయక్‌తో పాటు మరి కొంతమందిపై టౌన్ ఎస్సై మునీరుల్లా కేసు నమోదు చేసినట్లు సీఐ తెలిపారు. రోడ్డు అబ్జెక్షన్, అనుమతులు లేకుండా ర్యాలీ చేయడంపై కేసు నమోదు చేసినట్లు సీఐ తెలిపారు.