సిద్దిపేటలో నేషనల్ స్కిల్ ట్రైనింగ్ ఇన్‌స్టిట్యూట్ ఏర్పాటు చేయండి : ఎంపీ రఘునందన్ రావు

దిశ, సిద్దిపేట ప్రతినిధి : సిద్దిపేటలో నేషనల్ స్కిల్ ట్రైనింగ్ ఇన్‌స్టిట్యూట్ (ఎన్ఎస్టీఐ ) ఏర్పాటు చేయాలని ఎంపీ రఘునందన్ రావు కోరారు. ఈ విషయమై సోమవారం ఢిల్లీలో కేంద్ర విద్యాశాఖ సహాయ మంత్రి జయంత్ చౌదరిని కలిసి ఎంపీ రఘునందన్ రావు వినతిపత్రం అందజేశారు. ఈ సందర్భంగా ఎంపీ మాట్లాడుతూ సిద్దిపేటలో ఎన్ఎస్టీఐ ఏర్పాటు ద్వారా యువతకు పరిశ్రమల అవసరాలకు అనుగుణమైన నైపుణ్య శిక్షణ, ఉపాధి అవకాశాలు లభిస్తాయన్నారు. స్వయం ఉపాధి అవకాశాలు మరింత విస్తరించి మెదక్ పార్లమెంట్ నియోజకవర్గం, పరిసర ప్రాంతాల అభివృద్ధికి ఎంతో దోహదపడుతుందని అన్నారు.