కొడుకు కోసం కన్నీళ్లు పెట్టుకున్న అమీర్ ఖాన్

దిశ, వెబ్ డెస్క్ : బాలీవుడ్ స్టార్ హీరో అమీర్ ఖాన్ తన కుమారుడు జునైద్ ఖాన్ ను సిల్వర్ స్క్రీన్ మీద చూసి తీవ్ర భావోద్వేగానికి లోనయ్యారు. జునైద్ కథానాయకుడిగా పరిచయమవుతున్న మొదటి సినిమా “ఏక్ దిన్” (Ek Din) ప్రీమియర్ షో చూసిన అమీర్ ఖాన్ కళ్లలో నీళ్లు తిరిగాయి. తన కుమారుడి నటనను చూసి ఒక తండ్రిగా అమీర్ ఎంతో గర్వపడ్డారు. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతుండటంతో, నెటిజన్లు అమీర్ ఖాన్‌లోని ఎమోషనల్ ఫాదర్‌ను చూసి మురిసిపోతున్నారు.

ఈ సినిమా విషయానికి వస్తే, "ఏక్ దిన్" ఒక ఫీల్ గుడ్ రొమాంటిక్ డ్రామాగా తెరకెక్కింది. ఇందులో జునైద్ ఖాన్ సరసన సౌత్ స్టార్ హీరోయిన్ సాయి పల్లవి నటిస్తోంది. వీరిద్దరి కాంబినేషన్ అనౌన్స్ చేసినప్పటి నుండే సినిమాపై భారీ అంచనాలు నెలకొన్నాయి. ఈ చిత్రాన్ని అమీర్ ఖాన్ ప్రొడక్షన్స్ బ్యానర్‌పై అమీర్ స్వయంగా నిర్మించగా, సునీల్ పాండే దర్శకత్వం వహించారు. జునైద్ గత కొన్నేళ్లుగా థియేటర్ ఆర్ట్స్ లో కఠిన శిక్షణ పొంది, ఇప్పుడు ఈ సినిమాతో ప్రేక్షకుల ముందుకు వస్తున్నారు.

అమీర్ ఖాన్ తన కుమారుడి గురించి మాట్లాడుతూ.. జునైద్ తన కెరీర్ మరియు కథల ఎంపిక విషయంలో చాలా స్వతంత్రంగా నిర్ణయాలు తీసుకుంటాడని గతంలోనే వెల్లడించారు. తండ్రి స్టార్‌డమ్‌ను వాడుకోకుండా తనకంటూ ఒక ప్రత్యేక గుర్తింపు తెచ్చుకోవాలని జునైద్ ప్రయత్నిస్తున్నట్లు తెలుస్తోంది. ఈ సినిమా మే 1న థియేటర్లలో విడుదల కానుంది.