బర్త్ డే రోజున అమెరికా వెళ్లిన షర్మిల.. YSRTP నేతల్లో నిరాశ

దిశ, తెలంగాణ బ్యూరో: వైఎస్సార్ తెలంగాణ పార్టీ చీఫ్ షర్మిల తన పుట్టినరోజు వేడుకలకు దూరంగా ఉన్నారు. పార్టీ శ్రేణులను, ముఖ్య నేతలనూ కలవలేదు. శనివారం తెల్లవారుజామునే ఆమె అమెరికాకు బయల్దేరి వెళ్లారు. వారంపాటు అక్కడే ఉండనున్నారు. ఈ విషయం తెలియని నేతలు వేడుకల కోసం లోటస్ పాండ్‌కు తరలివచ్చారు. అయితే అధినేత్రి లేదని తెలియడంతో తీవ్ర నిరాశచెందారు. షర్మిల లేకపోవడంతో పుట్టినరోజు వేడుకలను పార్టీ హైదరాబద్ ఇన్ చార్జి వాడుక రాజగోపాల్ కేక్ కట్ చేశారు.