Talasani : తులం బంగారం ఎక్కడ..? : మాజీ మంత్రి తలసాని

దిశ, వెబ్ డెస్క్ : ఆడపిల్లల పెండ్లికి కాంగ్రెస్ ప్రభుత్వం ఇస్తామన్న తులం బంగారం(Thulam Gold) ఎక్కడ? అని బీఆర్ఎస్ మాజీ మంత్రి తలసాని శ్రీనివాస్ యాదవ్(Talasani Srinivas Yadav)ప్రశ్నించారు. సికింద్రాబాద్ తహశీల్ధార్ కార్యాలయంలో 108 మంది లబ్ధిదారులకు కళ్యాణ లక్ష్మీ, షాదీముబారక్ చెక్కులను పంపిణీ చేశారు.

ఈ సందర్భంగా అసెంబ్లీ ఎన్నికల ముందు తులం బంగారం ఇస్తామని సీఎం రేవంత్ రెడ్డి ప్రకటించారని..ఏడాది దాటినా ఇవ్వకపోవడంతో ఎప్పుడిస్తారని ప్రజలు ప్రశ్నిస్తున్నారన్నారు. బంగారం కోసం లబ్ధిదారులు ఎదురుచూస్తున్నారని, లబ్ధిదారుల తరపున ప్రభుత్వానికి నివేదిక పంపాలని అధికారులకు సూచించారు. ప్రభుత్వ సంక్షేమ పథకాలను లబ్ధిదారులు సద్వినియోగం చేసుకోవాలన్నారు. అర్హులైన వారందరికి పథకాలు అందించేందుకు అవసరమైన చర్యలు తీసుకోవాలని సూచించారు.