జీడబ్ల్యూఎంసీ నూతన కమిషనర్‌గా టి. వెంకన్న బాధ్యతల స్వీకరణ

దిశ, వరంగల్ బ్యూరో: గ్రేటర్ వరంగల్ మున్సిపల్ కార్పొరేషన్ (జీడబ్ల్యూఎంసీ) నూతన కమిషనర్‌గా టి. వెంకన్న సోమవారం ప్రధాన కార్యాలయంలో పదవీ బాధ్యతలు స్వీకరించారు. ఈ సందర్భంగా అధికారులు, సిబ్బంది ఆయనకు స్వాగతం పలికారు. కౌన్సిల్ హాల్ ప్రజావాణి కార్యక్రమంలో ప్రజల నుండి దరఖాస్తులు స్వీకరించారు. వివిధ విభాగాలకు చెందిన ఉన్నతాధికారులతో సమీక్షించారు. ప్రజలకు అందుబాటులో ఉండి పనిచేస్తానని తెలిపారు. అన్ని డివిజన్లు పర్యటించి సమస్యలు పరిష్కరిస్తానని తెలిపారు.