అక్రమంగా ఇసుక రవాణా చేస్తున్న ట్రాక్టర్ సీజ్

దిశ, బచ్చన్నపేట: మండలంలోని పోలీసు వారు పెట్రోలింగ్ చేస్తుండగా సదాశివపేట వాగు నుండి ఇసుక నింపుకొని ట్రాక్టర్ వస్తుండగా పట్టుకున్నారు. ఎస్సై ఎస్కే హామీద్ తెలిపిన వివరాల ప్రకారం మండల కేంద్రానికి చెందిన దాచేపల్లి మల్లేశం,తండ్రి శంకరయ్య, వయసు 43 ట్రాక్టర్ ద్వారా ఇసుక తీసుకువస్తుండగా వివరాలు అడగగా ఎలాంటి అనుమతి పత్రాలు చూపించకపోవడంతో కేసు నమోదు చేశామని తెలియజేశారు. మండలంలో సరైన అనుమతి పత్రాలు లేకుండా ఇసుక రవాణా చేస్తే కఠిన చర్యలు తప్పవని ఎస్ఐ ఎస్కే హామీద్ తెలియజేశారు.