షార్ట్ సర్క్యూట్ తో ఇల్లు దగ్ధం..

దిశ, గూడూరు: మహబూబాబాద్ జిల్లా గూడూరు మండలం సీతానగరం గ్రామ శివారులోని కొమ్ములవంచలో ఆదివారం మధ్యాహ్నం షార్ట్ సర్క్యూట్ కారణంగా పెంకుటిల్లు దగ్ధమైన సంఘటన చోటుచేసుకుంది. గ్రామానికి చెందిన చేరాల సోమయ్య వడ్రంగి పనులు చేస్తూ జీవనం సాగిస్తున్నాడు. ఈ ప్రమాదంలో ఇంట్లో ఉన్న విలువైన వస్తువులు, ఫర్నిచర్ మొత్తం కాలి బూడిదగా మారాయి. వాటి అంచనిత విలువ సుమారు 8 లక్షల రూపాయల వరకు ఉంటుందని బాధితుడు తెలిపాడు. ఈ ఘటనతో కుటుంబం తీవ్రంగా నష్టపోయిందని, ప్రభుత్వం తరఫున ఆ కుటుంబాన్ని ఆదుకోవాలని గ్రామస్థులు కోరుతున్నారు.