DGP ఎంపికపై ఢిల్లీలో UPSC కమిటీ భేటీ.. హజరైన CS రామకృష్ణా రావు

దిశ, తెలంగాణ బ్యూరో: రాష్ట్రానికి పూర్తి స్థాయి డీజీపీ ఎంపిక ప్రక్రియపై దేశ రాజధాని ఢిల్లీలో యూపీఎస్సీ ఎంప్యానెల్ కమిటీ బుధవారం సమావేశమైంది. ఈ సమావేశానికి రాష్ట్ర ప్రభుత్వం నుంచి ప్రభుత్వ ప్రధాన కార్యదర్శి కె. రామకృష్ణారావు హాజరయ్యారు. సుప్రీంకోర్టు మార్గదర్శకాల ప్రకారం.. రాష్ట్ర ప్రభుత్వం పంపిన అర్హులైన ఐపీఎస్ అధికారుల జాబితాను కమిటీ పరిశీలించింది. ఈ జాబితా నుంచి ముగ్గురు పేర్లను షార్ట్‌లిస్ట్ చేసి రాష్ట్ర ప్రభుత్వానికి పంపనుంది. సీనియర్ ఐపీఎస్ అధికారి సీవీ ఆనంద్‌తో పాటు వినాయక ప్రభాకర్ ఆప్టే, శిఖా గోయల్ పేర్లు పరిశీలనలో ఉన్నట్లుగా తెలుస్తుంది. వీరిలో ఒకరిని డీజీపీగా ఎంపిక చేయనున్నట్లు సమాచారం.