TTD Chairman: ఏపీ సర్కార్ మరో కీలక నిర్ణయం.. టీటీడీ చైర్మన్‌గా ఆయన పేరు ఫిక్స్!

దిశ, వెబ్‌డెస్క్: ఇటీవల జరిగిన సార్వత్రిక ఎన్నికల్లో వైసీపీ ఘోర పరాజయాన్ని మూటగట్టుకుంది. దీంతో రాష్ట్రంలో టీడీపీ, జనసేన, బీజేపీ నేతృత్వంలోని కూటమి ప్రభుత్వం కొలువుదీరింది. ఈ క్రమంలోనే ఇన్నాళ్లు టీటీడీ చైర్మన్‌గా ఉన్న వైసీపీ నేత భూమన కరుణాకర్ రెడ్డి ఆ పదవికి రాజీనామా చేశారు. ఈ పరిణామంతో టీటీడీకి కాబోయే కొత్త చైర్మన్ ఎవరనే దానిపై రెండు తెలుగు రాష్ట్రాల్లో సర్వత్రా ఆసక్తి నెలకొంది. ఆ పదవి కోసం టీడీపీ, బీజేపీ నేతలు గట్టిగానే లాబీయింగ్ చేస్తున్నట్లుగా సమాచారం. అయితే, ఆ మధ్య జనసేన అధినేత పవన్ సోదరుడు నాగబాబు, ప్రముఖ నిర్మాత అశ్విని‌దత్ పేరు బలంగా వినిపించాయి. కానీ, విశ్వసనీయ సమాచారం మేరకు టీటీడీ చైర్మన్‌గా టీవీ-5 ఛానల్ యజమాని బీఆర్ నాయుడు పేరును త్వరలోనే ప్రకటించబోతున్నారనే టాక్ బలంగా వినిపిస్తోంది. ఆంధ్ర రాష్ట్రంలో సుప్రసిద్ధ ఆధ్యాత్మిక క్షేత్రంగా వెలుగొందుతున్న తిరుమల తిరుపతి దేవస్థానం చైర్మన్ పదవి కీలకమైనది కావడంతో చైర్మన్ నియామకంపై కూటమి ప్రభుత్వం ఆచితూచి అడుగులు వేస్తోంది.