నందమూరి కుటుంబంలో విషాదం.. జయకృష్ణ సతీమణి పద్మజ కన్నుమూత

దిశ, వెబ్‌డెస్క్: నందమూరి కుటుంబంలో తీవ్ర విషాదం చోటుచేసుకుంది. ఎన్డీఆర్ పెద్ద కుమారుడు జయకృష్ణ సతీమణి పద్మజ ఇవాళ ఉదయం కన్నుమూశారు. గత కొంతకాలంగా శ్వాస తీసుకోవడంలో ఇబ్బంది తలెత్తడంతో ఆమెను కుటుంబ సభ్యులు ఆసుపత్రిలో చేర్పించారు. ఈ క్రమంలోనే పద్మజ చికిత్స పొందుతూ తుది శ్వాస విడిచారు. ఆమె మాజీ మంత్రి దగ్గుబాటి వెంకటేశ్వర రావుకు స్వయాన సోదరి. నందమూరి పద్మజ మృతి పట్ల పలువురు ప్రముఖులు, రాజకీయ నేతలు, నందమూరి అభిమానులు తమ సంతాపాన్ని వ్యక్తం చేశారు.