మంత్రి పొన్నం ప్రభాకర్‌తో ప్రొఫెసర్ కోదండరాం భేటీ.. కీలక హామీ ఇచ్చిన మినిస్టర్!

దిశ, డైనమిక్ బ్యూరో: మంత్రి పొన్నం ప్రభాకర్‌తో తెలంగాణ జన సమితి అధ్యక్షుడు, ప్రొఫెసర్ కోదండరాం (Professor Kodandaram) భేటీ అయ్యారు. సోమవారం గాంధీ భవన్‌లో ఆయన మంత్రి పొన్నం ప్రభాకర్‌తో సమావేశం అయ్యారు. తెలంగాణ పోరాట యోధులకు ప్రభుత్వం ఇచ్చిన హామీలను నెరవేర్చే విధంగా ముఖ్యమంత్రితో చొరవ తీసుకోవాలని ఈ సందర్భంగా కోదండరాం మంత్రిని కోరారు. తెలంగాణ ఉద్యమకారులకు మేము ఇచ్చిన హామీలు అమలు చేసేలా కార్యాచరణ తీసుకుంటామని ఈ సందర్భంగా (Minister Ponnam Prabhakar) మంత్రి పొన్నం హామీ ఇచ్చారు. ఉద్యమకారుల పట్ల ప్రభుత్వం సానుకూలంగా ఉందని మినిస్టర్ భరోసా ఇచ్చారు.