ఔట్ సోర్సింగ్ పంచాయతీ కార్యదర్శుల సేవలు మరో ఏడాది పొడిగింపు

దిశ, తెలంగాణ బ్యూరో/డైనమిక్ బ్యూరో: ఔట్ సోర్సింగ్ పంచాయతీ కార్యదర్శులకు రాష్ట్ర ప్రభుత్వం తీపికబురు చెప్పింది. 1037 మంది ఔట్ సోర్సింగ్ పంచాయతీ కార్యదర్శుల (outsourcing Panchayat Secretaries) సేవలను మరో ఏడాది పాటు (extension of services) కొనసాగించేందుకు అనుమతి ఇస్తూ జీవో జారీ చేసింది. కాంట్రాక్ట్/ఔట్ సోర్సింగ్ నియామకానికి సంబంధించిన పద్ధతులను అనుసరించాలని నెలకు రూ. 19,500 వేతనం చెల్లించనున్నట్లు పేర్కొన్నారు. జిల్లాలో పంచాయతీ సెక్రటరీల సంఖ్య గ్రామ పంచాయతీల సంఖ్యను మించకుండా చూసుకోవాలని ప్రిన్సిపల్ సెక్రటరీ టు గవర్నమెంట్ సందీప్ కుమార్ సుల్తానియా పేర్కొన్నారు.