TG EAPCET దరఖాస్తుల స్వీకరణ వాయిదా.. ఎప్పటి నుంచి ప్రారంభం అంటే?

దిశ, డైనమిక్ బ్యూరో : ఇంజినీరింగ్, ఫార్మసీ, అగ్రికల్చర్ కోర్సుల్లో ప్రవేశాలకు నిర్వహించే టీజీ ఎప్ సెట్ (TG EAPCET) దరఖాస్తుల స్వీకరణ వాయిదా పడింది. షెడ్యూల్ ప్రకారం ఇవాళ సాయంత్రం 4:45 గంటల నుంచి ప్రారంభం కావాల్సి ఉండగా సాంకేతిక కారణాల వల్ల మార్చి 1 నుంచి 4 వరకు దరఖాస్తుల స్వీకరణ ఉంటుందని పరీక్ష కన్వీనర్ డీన్ కుమార్ ఓ ప్రకటనలో వెల్లడించారు. ఈ మేరకు ఎప్ సెట్ వెబ్‌సైట్‌లో అధికారులు ఈ సందేశాన్ని అప్‌డేట్ చేశారు. ఈ విషయాన్ని విద్యార్థులు గమనించాలని కోరారు. అగ్రికల్చర్, ఫార్మసీ పరీక్షలు ఏప్రిల్ 29, 30న, ఇంజినీరింగ్ పరీక్షలు మే 2, 3, 4, 5న జరుగనున్నాయి.