ఈ నెల 10న తెలంగాణ కేబినెట్ సమావేశం.. ఈ అంశాలపైనే చర్చ!

దిశ, వెబ్ డెస్క్: తెలంగాణ రాష్ట్ర కేబినెట్ (Telangana Cabinet) సమావేశానికి ముహూర్తం ఫిక్స్ అయింది. ఈనెల 10వ తేదీన తెలంగాణ రాష్ట్ర కేబినెట్ సమావేశం జరగనుంది. తెలంగాణ ముఖ్యమంత్రి రేవంత్ రెడ్డి ( Cm Revanth Reddy) అధ్యక్షతన... సెక్రటేరియట్ లో మధ్యాహ్నం రెండు గంటల సమయంలో కేబినెట్ సమావేశం ప్రారంభం కానుంది. ఈ మేరకు అధికారిక ప్రకటన కూడా తెలంగాణ రాష్ట్ర ప్రభుత్వం నుంచి విడుదలైంది.

ఈ సందర్భంగా.. మంత్రులందరూ హాజరుకావాలని పేర్కొన్నారు. అయితే ఈ కేబినెట్ సమావేశంలో.. లోకల్ బాడీ ఎన్నికలపై (Local body elections ) ప్రత్యేకంగా చర్చ జరిగే అవకాశాలు స్పష్టంగా కనిపిస్తున్నట్లు చెబుతున్నారు. సెప్టెంబర్ 30వ తేదీ లోపు లోకల్ బాడీ ఎన్నికలు నిర్వహించాలని హై కోర్టు ( High Court) ఆదేశాలు ఇచ్చిన సంగతి తెలిసిందే. అయితే పదో తేదీన జరగబోయే కేబినెట్ సమావేశంలో.. ఈ అంశం చర్చకు వచ్చే ఛాన్స్ ఉంది.

అలాగే వర్షా కాలం ప్రారంభమైన నేపథ్యంలో.. రైతులకు సంబంధించిన అంశాలపై చర్చ జరిగే ఛాన్స్ ఉంది. ఈ వర్షా కాలంలో రైతులకు ఎలాంటి ఇబ్బందులు రాకుండా.. చర్యలు తీసుకునేలా ప్రణాళికలు రచించనున్నారు. అలాగే ఇతర సంక్షేమ పథకాల అమలుపై కూడా చర్చ జరిగే ఛాన్స్ ఉంది. ముఖ్యంగా ఇందిరమ్మ ఇండ్లపై మరోసారి.. కేబినెట్ సమావేశంలో చర్చ జరగనుంది అంటున్నారు.