మెడికల్పీజీలకు టాక్స్ భారం.. ఏకంగా పదిశాతం కటింగ్!
దిశ, తెలంగాణ బ్యూరో: మెడికల్పీజీలకు టాక్స్ భారం పడుతున్నది. గతేడాది నుంచి మొదలైన కొత్త రూల్మెడికల్పీజీలకు పెను భారంగా మారింది. ఒక్కో విద్యార్ధి స్టైఫండ్నుంచి ఏకంగా పదిశాతం కట్చేయడం ఆందోళనకరం. ఏపీ, కర్ణాటకల్లో ఈ రూల్‌కు మినహాయింపు ఉన్నది. విద్యావ్యవస్థ విధానం ప్రకారం టాక్స్ఉండకూడదనే నిబంధన ఉన్నది. కానీ, ప్రభుత్వం అవేమీ పట్టించుకోవడం లేదని విద్యార్థులు వాపోతున్నారు. అకడమిక్చివర్లో ఒకేసారి టీడీఎస్‌ను కట్చేస్తున్నారు. ఇటీవల థర్డ్ ఇయర్ విద్యార్ధుల నుంచి ఒక్కొక్కరికి రూ.60 వేలు చొప్పున టీడీఎస్తీసుకున్నారని పీజీలు అన్నారు. ఈ టీడీఎస్విధానంతో పాటు ఆర్థిక భారం పడుతుదని, వెంటనే రద్దు చేయాలని పీజీలు డిమాండ్ చేస్తున్నారు. ఇప్పటికే మెడికల్ ఎడ్యుకేషన్ఆఫీసర్లకు రిక్వెస్ట్లెటర్లను కూడా ఇచ్చినట్లు పీజీలు స్పష్టం చేశారు.
ఆందోళనలో 3 వేల మంది...
రాష్ట్ర వ్యాప్తంగా ప్రభుత్వ, ప్రైవేట్ మెడికల్కాలేజీల్లో సుమారు 3 వేల మంది పీజీలు ఉన్నారు. అయితే ప్రభుత్వ కాలేజీల్లో స్టైఫండ్ నుంచి టీడీఎస్‌ను తీసుకుంటున్నారు. సుమారు 1200 మంది విద్యార్థులు టీడీఎస్ కట్టాల్సి వస్తోన్నది. గాంధీ, ఉస్మానియా, నిమ్స్తదితర ప్రభుత్వ కాలేజీలతో పాటు ఈఎస్ఐ సనత్ నగర్మెడికల్కాలేజీల్లోనూ టీడీఎస్‌ను వసూల్ చేస్తున్నారు. ఈఎస్ఐలో ప్రతి నెల స్టైఫండ్నుంచి తీసుకుంటుండగా, గాంధీ, ఉస్మానియాల్లో పనిచేసే పీజీలకు సంవత్సరానికి ఒకసారి కట్ చేస్తున్నారు. అయితే ఈ రూల్ రద్దు చేయకపోయినా, కనీసం ఫామ్ -16ను ఇస్తే, రిఫండ్చేసుకునే వెసులుబాటు ఉంటుందని పీజీలు చెబుతున్నారు. ఇప్పటికే చాలా మంది విద్యార్ధులు ఆయా కాలేజీల అధికారులను అడిగినా.. సరైన సమాధానం ఇవ్వడం లేదని తెలిసింది.
