తెలంగాణ ఒలింపిక్ అసోసియేషన్ ఉపాధ్యక్షునిగా సురేష్​ ఏకగ్రీవ ఎన్నిక

దిశ, తెలంగాణ బ్యూరో : తెలంగాణ ఒలింపిక్ అసోసియేషన్ (టీఓఏ) ఉపాధ్యక్షునిగా పెరిక సురేష్​ ఏకగ్రీవంగా ఎన్నికయ్యారు. ఆదివారం హైదరాబాద్ బోట్ క్లబ్‌లో ఎస్.ఆర్. ప్రేమ్‌రాజ్ అధ్యక్షతన జరిగిన వార్షిక సర్వసభ్య సమావేశంలో సురేష్ కుమార్ వైస్ ప్రెసిడెంట్​గా, విజేందర్ సింగ్ జాయింట్ సెక్రటరీగా, సురేందర్ జోసెఫ్ ఎగ్జిక్యూటివ్ మెంబర్ గా సమావేశం ఏకగ్రీవంగా ఎన్నుకున్నారు. ఈ సందర్భంగా సురేష్​ మాట్లాడుతూ, రాష్ట్రంలో క్రీడలను మెరుగుపరచడం, అథ్లెట్ల సంక్షేమం కోసం అసోసియేషన్ చేపట్టే కృషిని మరింత బలోపేతం చేస్తాయని పేర్కొన్నారు. ఒలింపిక్ స్ఫూర్తిని ప్రోత్సహించడం, రాష్ట్రాన్ని, జాతీయ, అంతర్జాతీయ వేదికల్లో మెరుగైన ప్రదర్శన కనబర్చేలా కృషి చేస్తామని సురేష్​ తన నిబద్ధతను వ్యక్తం చేశారు. ఈ సందర్భంగా అధ్యక్షుడు ప్రేమ్‌రాజ్, జనరల్ సెక్రటరీ బాబూరావు, ట్రెజరర్ శివశంకర్ తుమ్కూర్ హాజరై అభినందించారు.