కుటుంబానికి ప్రాణహాని ఉందంటూ సింగర్ సునీత భర్త కంప్లైంట్

దిశ, వెబ్‌డెస్క్: తనకు, తన కుటుంబ సభ్యులకు ఓ వ్యక్తి నుంచి ప్రాణహాని ఉందని సింగర్ సునీత భర్త రామకృష్ణ కంప్లైంట్ చేయడం కలకలం రేపింది. పోలీసులు తెలిపిన వివరాల ప్రకారం.. బంజారాహిల్స్ రోడ్డు నంబర్ 2లో నివసించే రామకృష్ణ ఫోన్‌కు గతేడాది ఓ మెసెజ్ వచ్చింది. ఆ వ్యక్తి తాను ఫిల్మ్ ప్రొడ్యూసర్ కౌన్సిల్ మెంబర్ నని తన పేరు కే.కే. లక్ష్మణ్ అని తెలిపాడు. పర్సనల్ గా కలవాలని కోరగా రామకృష్ణ తిరస్కరించారు. తరచూ మెసెజ్ లు చేస్తుండటంతో నంబర్ బ్లాక్ చేశాడు. ఈ క్రమంలో మార్చి 28న మరో కొత్త ఫోన్ నంబర్ తో మెసెజ్ లు చేయడంతో పాటు బెదిరింపులకు దిగుతున్నాడు. దీంతో శనివారం రాత్రి సింగర్ సునీత భర్త రామకృష్ణ పోలీసులకు కంప్లైంట్ చేశాడు. పోలీసులు కేసు నమోదు చేసుకుని విచారణ చేపట్టారు.