భట్టి విక్రమార్కని కలిసిన సింగర్ రాహుల్ సిప్లిగంజ్.. విషయం ఇదే

దిశ, డైనమిక్ బ్యూరో: ప్రముఖ సింగర్ రాహుల్ సిప్లిగంజ్ (Rahul Sipligunj) అతి త్వరలోనే ఓ ఇంటివాడు కాబోతున్నాడు. ఈ నేపథ్యంలోనే రాహుల్ తాజాగా ఉపముఖ్యమంత్రి భట్టి విక్రమార్క (Deputy CM Bhatti Vikramarka)ని వారి నివాసంలో మర్యాదపూర్వకంగా కలిశారు. ఈ నెల 27న జరిగే తన వివాహ శుభకార్యానికి ఆహ్వానించారు. ఈ సందర్భంగా భట్టి విక్రమార్క.. రాహుల్ సిప్లిగంజ్‌కి హృదయపూర్వక శుభాకాంక్షలు తెలియజేశారు. అలాగే సచివాలయంలో మంత్రి సీతక్కను కలిసి తన వివాహానికి హాజరు కావాలని ఆహ్వాన పత్రిక అందజేశారు. కాగా, రాహుల్‌ సిప్లిగంజ్‌కు హరిణ్య రెడ్డితో ఆగస్టులో నిశ్చితార్థం జరిగిన విషయం తెలిసిందే.