సీఎం రేవంత్‌ని కలిసిన సందీప్ రెడ్డి వంగా.. సీఎం సహాయనిధికి విరాళం ఇచ్చిన సోదరులు

దిశ, డైనమిక్ బ్యూరో: ముఖ్యమంత్రి రేవంత్ రెడ్డిని ప్రముఖ సినీ దర్శకుడు సందీప్ రెడ్డి వంగా (Sandeep Reddy Vanga) కలిశారు. శుక్రవారం జూబ్లీహిల్స్ నివాసంలో సీఎం రేవంత్ రెడ్డితో దర్శకుడు సందీప్ రెడ్డి వంగా, అతని సోదరుడు ప్రణయ్ రెడ్డి వంగా భేటీ అయ్యారు. ఈ సందర్భంగా భద్రకాళి ప్రొడక్షన్స్ తరపున (CMRF) సీఎం సహాయనిధికి రూ. 10 లక్షల విరాళాన్ని వారు చెక్ ద్వారా సీఎంకు అందజేశారు. ఈ మేరకు సందీప్ రెడ్డి వంగా, అతని సోదరుడిని ముఖ్యమంత్రి శాలువాతో సత్కరించారు. రాష్ట్రంలో భారీ వర్షాలు, వరదల కారణంగా రైతులు, ప్రజలు తీవ్ర ఇబ్బందులు ఎదుర్కొంటున్న విషయం తెలిసిందే. ఈ నేపథ్యంలోనే వరద బాధితుల సహాయార్థం సీఎం సహాయనిధికి సందీప్ రెడ్డి వంగా విరాళాన్ని అందించినట్లు తెలుస్తోంది.