ఎరువులపై అవగాహన లేక రైతులు చనిపోతున్నారు : రైతు కమిషన్ చైర్మన్ కోదండరెడ్డి

దిశ, తెలంగాణ బ్యూరో : రైతులు అమాయకులు కావడంతో ఎరువులపై అంత అవగాహన ఉండదని, వారి బలహీనతలను ఆసరాగా చేసుకుని కంపెనీలు మోసం చేస్తున్నాయని రైతు కమిషన్​ చైర్మన్ ​కోదండరెడ్డి ఆవేదన వ్యక్తం చేశారు. మంగళవారం కోఠిలోని ఐఎంఏ హాల్​లో జరిగిన సమావేశానికి ముఖ్య​ అతిథిగా హాజరై ప్రసంగించారు. మన పూర్వీకులు ఇలాంటి మందులు వాడలేదని ఇప్పుడు రసాయనాలతో కూడిన వ్యవసాయం అయిపోయిందన్నారు. మల్టీ నేషనల్ కంపెనీ వాళ్ళ కోసం ఇలాంటి మందులను తీసుకొస్తున్నారు. ఈ గడ్డి మందుతో మనుషులు ప్రాణాలు పోతున్నాయని కల్తీ ఎరువులు, మందులు వ్యవసాయ రంగం పైన తీవ్రమైన ప్రభావం చూపిస్తుందన్నారు. పారాక్వాట్​ను ​నిషేదించేలా కేంద్ర చర్యలు తీసుకోవాలని కోరారు. ఈ అంశంపై ముఖ్యమంత్రి రేవంత్ రెడ్డి, స్పీకర్ లను కలిసి వినతిపత్రం అందజేస్తానని తెలిపారు. అనంతరం ఎంపీ కడియం కావ్య మాట్లాడుతూ ప్రజలు ప్రాణాలకు ముప్పుగా మారిన ఈ గడ్డి మందు నిషేధించాలని, దీనిపై పార్లమెంట్ లో కూడా ప్రస్తావిస్తానని హామీ ఇచ్చారు. తనకు ఈ అంశంపై ఆరు నెలలు క్రితం తెలిసిందని ఇలాంటి ప్రమాదకరమైన మందులు అమెజాన్ వంటి ఆన్​లైన్​లో విక్రయించడం బాధాకరంగా ఉందన్నారు. ఈ మందుతో క్షణికావేశంలో ఆత్మహత్యలు చేసుకుంటున్నారని, దీనిని పూర్తిగా నిషేధించేలా తన వంతు కృషి చేస్తానని కోదండరెడ్డి పేర్కొన్నారు.