కోటీ దీపోత్సవం కార్యక్రమంలో ప్రధాని మోడీ

దిశ, వెబ్‌డెస్క్: అసెంబ్లీ ఎన్నికల ప్రచారంలో భాగంగా తెలంగాణ పర్యటకు వచ్చిన మోడీ.. హైదరాబాద్‌లోని కోటీ దీపోత్సవం కార్యక్రమంలో పాల్గొన్నారు. హైదరాబాద్‌లోని ఎన్టీఆర్ స్టేడియంలో జరుగుతోన్న కోటీ దీపోత్సవం కార్యక్రమానికి ప్రధాని మోడీ ఇవాళ విశిష్ఠ అతిధిగా పాల్గొన్నారు. ఈ సందర్భంగా ప్రధాని మోడీకి రచనా టెలివిజన్ గ్రూప్ డైరెక్టర్ రచనా చౌదరి స్వాగతం పలికారు. అనంతరం మోడీ ప్రత్యేక పూజల్లో పాల్గొన్నారు. ఈ సందర్భంగా వేద పండితులు ప్రధానికి ఆశీర్వచనం అందించారు. ప్రధాని మోడీ రాక సందర్భంగా కోటీ దీపోత్సవం కార్యక్రమానికి భక్తులు, బీజేపీ కార్యకర్తలు, అభిమానులు పెద్ద ఎత్తున తరలివచ్చారు.