BC కులగణనపై పవర్ పాయింట్ ప్రజెంటేషన్

దిశ, తెలంగాణ బ్యూరో: బీసీ కులగణనపై సందీప్ కుమార్ సుల్తానియా, హైదరాబాద్ జిల్లా కలెక్టర్ అనుదీప్ దురిషెట్టి కలిసి పవర్ పాయింట్ ప్రజెంటేషన్ ద్వారా విరవించనున్నారని సబ్ కమిటీ చైర్మెన్, నీటి పారుదల శాఖ మంత్రి ఉత్తమ్ కుమార్ రెడ్డి తెలిపారు. ఈ మేరకు మంగళవారం ఒక ప్రకటన విడుదల చేశారు. బుధవారం మధ్యాహ్నం 12 గంటలకు అసెంబ్లీ కమిటీ హాల్-1లో నిర్వహించనున్న కార్యక్రమానికి మండలి చైర్మెన్ సుఖేందర్ రెడ్డి, అసెంబ్లీ స్పీకర్ గడ్డం ప్రసాద్, సబ్ కమిటీ కో-చైర్మెన్ దామోదర రాజనర్సింహా, మంత్రులు శ్రీధర్ బాబు, పొన్నం ప్రభాకర్, సీతక్క, ఇతర మంత్రులు, ఎమ్మెల్సీలు, ఎమ్మెల్యేలు పాల్గొనున్నారని తెలిపారు. రాష్ట్రంలో ప్రభుత్వం విజయవంతంగా చేపట్టిన సామాజిక, ఆర్థిక సర్వే తీరును వివరించనున్నట్టు తెలిపారు.