ఇస్రో సందర్శనకు చిన్న మల్లారెడ్డి విద్యార్థినుల ఎంపిక

దిశ, కామారెడ్డి : కామారెడ్డి మండలం చిన్న మల్లారెడ్డి ప్రభుత్వ బాలుర ఉన్నత పాఠశాలకు చెందిన 10వ తరగతి విద్యార్థినిలు నిఖిల, రవిత్రేణిలు ఇస్రో సందర్శనకుఎంపికైనట్లు ప్రధానోపాధ్యాయులు సాయిరెడ్డి తెలిపారు. పాఠశాలకు చెందిన ఇద్దరు విద్యార్థినిలు ఈ అవకాశాన్ని దక్కించుకోవడం అభినందనీయమన్నారు. గైడ్ టీచర్ ప్రవీణ్ కుమార్ మార్గదర్శకత్వంలో ఇస్రో (భారత అంతరిక్ష పరిశోధనా సంస్థ) సందర్శనకు ఎంపికయ్యారన్నారు. విద్యార్థినులు ఇస్రో సందర్శనలో శాస్త్ర సాంకేతిక పరిజ్ఞానాన్ని ప్రత్యక్షంగా గమనించి, భవిష్యత్తులో శాస్త్రవేత్తలుగా ఎదగాలనే ప్రేరణ పొందుతారని తెలిపారు.