చైన్ స్నాచింగ్ ల పట్ల అప్రమత్తంగా ఉండాలి
చైన్ స్నాచింగ్ ల పట్ల అప్రమత్తంగా ఉండాలని ఎస్సై బి. రాము సూచించారు.
దిశ, మోర్తాడ్ : చైన్ స్నాచింగ్ ల పట్ల అప్రమత్తంగా ఉండాలని ఎస్సై బి. రాము సూచించారు. మంగళవారం మోర్తాడ్ ఎస్.ఐ. బి. రాము సుంకేట్ గ్రామంలో ఉపాధి హామీ పనులు జరిగే ప్రదేశాన్ని సందర్శించారు. ఈ సందర్భంగా ఉపాధి హామీ కూలీలకు పలు చట్టాలపై అవగాహన కల్పించారు. ముఖ్యంగా మహిళలు ఒంటరిగా వెళ్లేటప్పుడు మెడలో బంగారు ఆభరణాలు ధరించవద్దని చైన్ స్నాచింగ్ ముఠాల పట్ల అప్రమత్తంగా ఉండాలని సూచించారు. అనంతరం మన ఊరు - మన బాధ్యత’ కార్యక్రమంలో భాగంగా తల్లిదండ్రులకు పలు సూచనలు చేశారు. మైనర్ పిల్లలకు బైకులు ఇవ్వకూడదన్నారు. పిల్లలు ఫోన్లలో అతిగా మాట్లాడకుండా చూసుకోవాలన్నారు. మత్తు పదార్థాలకు యువత దూరంగా ఉండేలా వారి నడవడికను ప్రతిరోజూ గమనించాలన్నారు. పిల్లల భవిష్యత్తు చెడిపోకుండా తల్లిదండ్రులే బాధ్యత వహించాలని కోరారు. ఈ కార్యక్రమంలో సుంకేట్ గ్రామ ఉప సర్పంచ్ ఆకుల రాజేశ్వర్, కాంగ్రెస్ పార్టీ గ్రామ అధ్యక్షుడు ఎం.సీ. గంగాధర్, ఫీల్డ్ అసిస్టెంట్లు, మేట్లు, గ్రామ వీడీసీ సభ్యులు, పంచాయతీ కార్యదర్శి పెద్ద సంఖ్యలో ఉపాధి హామీ కూలీలు పాల్గొన్నారు.
Next Story
