హత్య కేసులో ఇద్దరు పై పీడీ యాక్ట్.. చంచలగూడ జైలుకు తరలింపు

దిశ, నూతనకల్ : మండల పరిధిలోని మిర్యాల గ్రామంలో గత మార్చి 17న మిర్యాల మాజీ సర్పంచ్ కాంగ్రెస్ సీనియర్ నేత మెంచు చక్రయ హత్య కేసులో ఏ-1, 2 నిందితులుగా ఉన్న కనకటి వెంకన్న, శ్రావణ్ కుమార్ లపై సోమవారం పీడీ యాక్ట్ నమోదు చేసి చంచలగూడ జైలుకు తరలించినట్లు సీఐ నరసింహారావు తెలిపారు. గతంలో కనకటి వెంకన్న పై 11, శ్రావణ్ కుమార్ పై 7 క్రిమినల్ కేసులు ఉన్నాయని, మళ్లీ ఇలాంటి నేరాలకు పాల్పడకూడదనే ఉద్దేశంతో సూర్యపేట లోని సబ్ జైల్లో ఉన్న ఇరువురిపై పీడీ యాక్టు నమోదు చేసి జైలుకు తరలించామని అన్నారు. ప్రజల శాంతిభద్రతకు భంగం కలిగిస్తే ఎంతటి వారినైనా కఠినంగా శిక్షిస్తామని హెచ్చరించారు.