భువనగిరి కాంగ్రెస్ అభ్యర్థి గెలవాలని పాదయాత్ర

దిశ, యాదాద్రి భువనగిరి ప్రతినిధి : కాంగ్రెస్ పార్టీ భువనగిరి అభ్యర్థి కుంభం అనిల్ కుమార్ రెడ్డి గెలవాలని రుద్రవెళ్లి కాంగ్రెస్ పార్టీ ఆధ్వర్యంలో ఆదివారం బీబీనగర్ మండలం రుద్రవెల్లి నుంచి యాదగిరిగుట్టకు పాదయాత్ర చేపట్టారు. ఈ సందర్భంగా వారు మాట్లాడుతూ అనిల్ కుమార్ రెడ్డి గెలుపే లక్ష్యంగా తామంత కృషి చేస్తున్నామని చెప్పారు.

అనిల్ కుమార్ రెడ్డి గెలుపునకు యాదాద్రి శ్రీ లక్ష్మీనరసింహస్వామి ఆశీస్సులు అందాలని ఈ పాదయాత్ర చేపడుతున్నట్లు చెప్పారు. ఈ పాదయాత్రకు భువనగిరి పట్టణంలో అనిల్ కుమార్ రెడ్డి కొడుకు కుంభం శ్రీరామ్ రెడ్డి స్వాగతం పలికారు. రానున్న ఎన్నికలలో కాంగ్రెస్ పార్టీ శ్రేణులు ప్రజల ఆశీర్వాదంతో అనిల్ కుమార్ రెడ్డి పెద్దఎత్తున విజయం సాధిస్తారని ఆయన ఆశాభావం వ్యక్తం చేశారు.