ఎమ్మెల్యే కిషోర్ నివాసంలో బీఆర్ఎస్ సంబరాలు

దిశ, తుంగతుర్తి: రెండు సార్లు ఎమ్మెల్యేగా, మూడో సారి అభ్యర్థిగా ఎంపికైన డాక్టర్ గాదరి కిషోర్ కుమార్ ను తుంగతుర్తి బీఆర్ఎస్ నాయకులు, కార్యకర్తలు ఘనంగా సన్మానించారు. నియోజకవర్గంలోని వివిధ మండాల నుంచి పార్టీ కార్యకర్తలు, నాయకులు ఎమ్మెల్యే కిషోర్ కుమార్ నివాసానికి చేరుకొని భారీ గజమాలతో ఆయన్ను సన్మానించి టపాసులు పేలుస్తూ, స్వీట్లు పంచుకుని అభినందనలు తెలిపారు. ఈ సందర్భంగా పార్టీ నాయకులు మాట్లాడుతూ మూడోసారి విజయం సాధించి తుంగతుర్తి రాజకీయ చరిత్రలో రికార్డును సృష్టిస్తారని తెలిపారు.