జిల్లా ఉత్తమ పంచాయతీ కార్యదర్శికి సన్మానం

దిశ, చిట్యాల : చిట్యాల మండ‌లం బొంగోని చెరువు గ్రామ‌పంచాయ‌తీ కార్య‌ద‌ర్శి తాటికొండ లింగస్వామి జిల్లా ఉత్తమ కార్యదర్శిగా ఎంపిక కావడం పట్ల హర్షం వ్యక్తం చేస్తూ స‌ర్పంచ్, పాల‌క వ‌ర్గం స‌భ్యులు మంగ‌ళ‌వారం సత్క‌రించారు. ఈ సందర్భంగా సర్పంచ్ మాట్లాడుతూ గ్రామ అభివృద్ధిలో కార్యదర్శుల పాత్ర కీలకమైనదని ప్రభుత్వ సంక్షేమ పథకాలను అర్హులకు అందించడంలో వీరు కీలక పాత్ర పోషిస్తారని ఆయన అన్నారు. భవిష్యత్తులో మరిన్ని ఉన్నత పదవులను అధిరోహించాలని కొనియాడారు. ఈ కార్యక్రమంలో ఉప సర్పంచ్ సాయి కృష్ణారెడ్డి, మాజీ సర్పంచ్ సామిడి మోహన్ రెడ్డి, కాంగ్రెస్ గ్రామ శాఖ అధ్యక్షుడు మహేందర్ రెడ్డి, పాలకవర్గ సభ్యులు తీగల శ్రీధర్ రెడ్డి, బండారు రాఘవరెడ్డి, బిక్షపతి, అశోక్ రెడ్డి, కట్ట సత్యనారాయణ పాల్గొన్నారు.