ఆమెతో నా అనుబంధం నిర్వచించలేనిది.. CM రేవంత్ ఎమోషనల్ ట్వీట్

దిశ, వెబ్‌డెస్క్: రాఖీ పౌర్ణమి (Rakhi Purnima) పర్వదినాన్ని పురస్కరించుకుని సీఎం రేవంత్ రెడ్డికి మంత్రి సీతక్క (Seethakka) రాఖీ కట్టారు. ఈ మేరకు ఆమె జూబ్లీహిల్స్‌లోని ఆయన నివాసానికి వెళ్లి రేవంత్‌ దంపతులతో పాటు ఆయన మనవడికి తిలకం దిద్ది రాఖీ కట్టారు. ఈ క్రమంలో సీఎం రేవంత్ రెడ్డి సోషల్ మీడియా ప్లాట్‌ఫామ్ ‘X’ వేదికగా సీతక్కతో తనకు ఉన్న అనుబంధంపై ఎమోషన్ ట్వీట్ చేశారు. అక్షరాలతో రచించలేనిది.. మాటలతో నిర్వచించలేనిది సీతక్కతో తన అనుబంధమని కామెంట్ చేశారు. ప్రతి రాఖీ పౌర్ణమి నాడు.. ఆ బంధం మరింతగా వికసిస్తూనే ఉంటుందని రేవంత్ రెడ్డి ట్వీట్ చేశారు.