చేప ప్రసాదం పంపిణీకి ఏర్పాట్లు పూర్తి..మంత్రి పొన్నం ప్రభాకర్

దిశ , హైదరాబాద్ బ్యూరో: మృగశిర కార్తి సందర్భంగా ఈనెల 8వ తేదీన ఎగ్జిబిషన్ గ్రౌండ్స్ లో ఉబ్బస రోగులకు బత్తిన కుటుంబం చేపట్టనున్న చేప ప్రసాదం పంపిణీ కి అన్ని ఏర్పాట్లు పూర్తి చేయాలని మంత్రి పొన్నం ప్రభాకర్ అధికారులను ఆదేశించారు. ఈ మేరకు బుధవారం ఆయన ఫిషరీస్ కార్పొరేషన్ చైర్మన్ మెట్లు సాయికుమార్, ఇతర అధికారులతో కలిసి నాంపల్లి ఎగ్జిబిషన్ గ్రౌండ్ లో ఏర్పాట్లను పరిశీలించారు . ఈ సందర్భంగా మాట్లాడుతూ.. చేప ప్రసాదం పంపిణీ కి ఎలాంటి ఇబ్బందులు కలగకుండా జాగ్రత్త చర్యలు చేపట్టాలని సూచించారు. ఉబ్బస రోగుల కోసం 1.5 లక్షల చేప పిల్లలు సిద్ధంగా ఉన్నాయని తెలిపారు . అంతకుముందు చేప ప్రసాదం పంపిణీ లో భారీకెడ్లు ,క్యూ లైన్ లో ఇబ్బందులు ,భద్రత ఏర్పాట్ల గురించి పోలీసులను అడిగి తెలుసుకున్నారు . రెండు రోజుల ముందు నుండే రోగులు ఎగ్జిబిషన్ మైదానానికి వచ్చే అవకాశం ఉందని , అందరీకి త్రాగునీరు, వైద్య సౌకర్యం, ఏర్పాటు చేయాలన్నారు.