TG: విద్యార్థులకు అలర్ట్.. ఎగ్జామ్ డేట్ ఫిక్స్

దిశ, తెలంగాణ బ్యూరో: తెలంగాణ మోడల్ స్కూళ్లలో 2025-26 విద్యా సంవత్సరానికి ప్రవేశ పరీక్ష ఈ నెల 27న నిర్వహించనున్నట్లు మోడల్ స్కూల్స్ అడిషనల్ డైరెక్టర్ శనివారం ఒక ప్రకటనలో తెలిపారు. ఆరో తరగతి నుంచి పదవ తరగతుల్లో ప్రవేశానికి సంబంధించి ఈ పరీక్ష నిర్వహించనున్నారు. ధరఖాస్తు చేసుకున్న విద్యార్థులు ఈ నెల 21 నుంచి హాల్ టిక్కెట్లు telanganams.cgg.gov.in వెబ్ సైట్ నుంచి డౌన్లోడ్ చేసుకోవాలని తెలిపారు. ఆరో తరగతి ప్రవేశాలకు సంబంధించి రాత పరిక్ష ఉదయం 10 నుంచి మధ్యాహ్నం 12 గంటల వరకు జరగుతుంది. 7 నుంచి 10వ తరగతిలో ప్రవేశాలకు మధ్యాహ్నం 2 గంటల నుంచి సాయంత్రం 4 గంటల వరకు నిర్వహిస్తారు.