Addanki Dayakar: కేసీఆర్ ఇకనైనా పగటి కలలు మానాలి

దిశ, తెలంగాణ బ్యూరో: జగిత్యాల సభలో కేసీఆర్ చేసిన కామెంట్లపైన ప్రభుత్వ విప్, ఎమ్మెల్సీ అద్దంకి దయాకర్ స్పందించారు. కేసీఆర్ తెలంగాణ బకాసూరుడని, బీజేపీతో దోస్తీ కోసం ఆ పార్టీ తెలంగాణ అవమనిస్తే కూడా మాట్లాడని మీరు.. ఇప్పుడు మీ రాజకీయ స్వార్థం కోసం బయటకు వచ్చారని ఆయన మండిపడ్డారు. సోమవారం ఆయన మీడియాతో మాట్లాడుతూ.. మీ రాజకీయాలను భూస్థాపితం చేసింది ప్రజలని, తెలంగాణకు నయవంచన చేసి సర్వం దోచుకున్న కేసీఆర్ అండ్ కోలు పగటి కలలు కనొద్దని ఆయన హితవు పలికారు. ప్రజలను గాలికి వదిలేసిన మిమ్మల్ని ప్రజలే రాజకీయంగా భూస్థాపితం చేస్తారని అద్దంకి దయాకర్ అన్నారు. తెలంగాణలో మల్లీ రేవంత్ రెడ్డి సీఎంగా రావడం ఖాయం, కేసీఆర్ బీజేపీకి పోవడం ఖాయమన్నారు.