Uttam: తెలంగాణ రైజింగ్ గ్లోబల్ సమ్మిట్ కు రండి.. సీఎం స్టాలిన్ కు ఉత్తమ్ ఆహ్వానం

దిశ, తెలంగాణ బ్యూరో/ డైనమిక్ బ్యూరో: మంత్రి ఉత్తమ్ కుమార్ రెడ్డి (Uttam Kumar Reddy) తమిళనాడు ముఖ్యమంత్రి ఎంకే స్టాలిన్‍తో (MK Stalin) భేటీ అయ్యారు. ఈ నెల 8,9 తేదీల్లో భారత్ ఫ్యూచర్ సిటీలో తెలంగాణ ప్రభుత్వం నిర్వహించబోతున్న తెలంగాణ రైజింగ్ 2047​ గ్లోబల్​ సమ్మిట్‌​కు (Telangana Rising 2047 Global Summit) రావాలని ప్రత్యేకంగా ఆహ్వానించారు. ఇవాళ చెన్నెలోని సీఎం కార్యాలయంలో స్టాలిన్‍ను కలిసిన ఉత్తమ్ కుమార్ రెడ్డి ఈ మేరకు ఆహ్వానం అందించారు. అయితే తెలంగాణ ప్రభుత్వం గ్లోబల్ సమ్మిట్ పేరుతో ఈ కార్యక్రమాన్ని అత్యంత ప్రతిష్టాత్మకంగా నిర్వహిస్తోంది. ఈ ఈవెంట్ కు ఇప్పటికే ప్రధాని నరేంద్ర మోడీతో పాటు పలువుకు కేంద్ర మంత్రులను స్వయంగా ముఖ్యమంత్రి రేవంత్ రెడ్డి, డిప్యూటీ సీఎం భట్టి విక్రమార్క ఆహ్వానించారు. ఇక అన్ని రాష్ట్రాల ముఖ్యమంత్రులను ప్రత్యేకంగా ఆహ్వానించాలని ఈ బాధ్యతను మంత్రులకు అప్పగించారు.