ఆ ఎమ్మెల్యే మంత్రి కాబోతున్నాడు.. కుండబద్దలు కొట్టిన జూపల్లి కృష్ణారావు

దిశ, వెబ్‌డెస్క్: మంత్రి జూపల్లి కృష్ణారావు(Minister Jupally Krishna Rao) కీలక వ్యాఖ్యలు చేశారు. శుక్రవారం ఆయన మీడియాతో మాట్లాడుతూ.. ఎమ్మెల్యే వాకిటి శ్రీహరి(Vakiti Srihari) మంత్రి కాబోతున్నాడని కుండబద్దలు కొట్టారు. మరోవైపు గతంలో జడ్చర్ల ఎమ్మెల్యే జనంపల్లి అనిరుధ్ రెడ్డి కూడా వాకిటి శ్రీహరికి మంత్రి పదవి ఖాయమని మాట్లాడారు. మరోవైపు మంత్రివర్గ విస్తరణ ఇప్పట్లో ఉన్నట్లు కనిపించడం లేదు. కానీ.. ఇప్పటికే నలుగురి పేర్లను అధిష్టానం ఖరారు చేసినట్లుగా అధికార పార్టీ వర్గాల ద్వారా తెలిసింది. ఉమ్మడి నిజామాబాద్​జిల్లా నుంచి సుదర్శన్​రెడ్డి, నల్గొండ జిల్లా నుంచి కొమటిరెడ్డి రాజగోపాల్ రెడ్డి, మహబూబ్​నగర్​జిల్లా నుంచి వాకిటి శ్రీహరి, ఆదిలాబాద్​జిల్లా నుంచి గడ్డం వివేక్‌‌కు అవకాశం ఇవ్వాలని కాంగ్రెస్​పెద్దలు ఒక నిర్ణయానికి వచ్చినట్లుగా తెలిసింది. అయితే, చివరి నిమిషంలో ఏమైనా కొత్త పేర్లు చేరుతాయా? అనేది తెలియాల్సి ఉన్నది.