Mepma: జీతాలు ఇవ్వడం లేదని ఆవేదన.. మెప్మా ఉద్యోగుల ముందస్తు అరెస్ట్

దిశ, వెబ్ డెస్క్: మెప్మా ఆర్పీ ఉద్యోగులను(Metma RP Employees) ఇబ్రహీం పట్నం పోలీసులు(Ibrahim Patnam Police) హౌజ్ అరెస్ట్(House Arrest) చేశారు. రంగారెడ్డి జిల్లా(Rangareddy District) ఇబ్రహీంపట్నం నియోజకవర్గంలో ఏడు నెలలుగా జీతాలు రావడం లేదని, మెప్మా ఉద్యోగ సంఘం ఆధ్వర్యంలో కార్యక్రమం ఏర్పాటు చేసుకొని, జిల్లా అధికారులను కలవాలని ఉద్యోగులు పిలుపునిచ్చారు. ఈ విషయం తెలుసుకున్న ఇబ్రహీంపట్నం పోలీసులు మెప్మా ఉద్యోగులను ముందస్తు హౌజ్ అరెస్ట్ చేశారు. అనంతరం ఇబ్రహీం పట్నం పోలీస్ స్టేషన్ కు తరలించారు. దీనిపై మెప్మా ఉద్యోగులు మాట్లాడుతూ.. తమను ఎందుకు అరెస్ట్ చేశారో అర్థం కావడం లేదని, తాము జీతాలు రావట్లేదని అధికారులకు వినతి పత్రం ఇచ్చేందుకు వెళుతుంటే అరెస్ట్ చేశారని ఆవేదన వ్యక్తం చేశారు. అలాగే కాంగ్రెస్ ప్రభుత్వం వచ్చాక తమ జీతాలు 10 వేలకు పెంచుతామని హామీ ఇచ్చారని, కానీ ఉన్న జీతాలు కూడా 7 నెలల నుంచి చెల్లించడం లేదని, పైగా మమ్మల్ని అరెస్ట్ చేయడం దారుణమని అన్నారు.