నీడనిచ్చిన హెల్మెట్​..

దిశ, కూకట్​పల్లి : భారి వృక్షాల కొమ్మలు, చల్లని నీడనిచ్చె ఇండ్ల వాకిళ్లు తలదాచుకునేందుకు అనువుగా ఉన్న స్థలం చూస్తే చాలు పిచుకలు తమ గూడును కట్టుకుని జీవిస్తుంటాయి. కాంక్రిట్​ జంగిల్​గా మారిన ఈ సమాజంలో చెట్లు, ఇండ్లు సేఫ్​ కాదని భావించాయో ఏమో పక్షి రాజులు ఏకంగా ఒకే చోట చాలా రోజులుగా పార్క్​ చేసి ఉంచిన బైక్​కు తగిలించిన హెల్మెట్​లోనే తమ ఆవాసాన్ని(గూడు)ను కట్టుకున్నాయి. కూకట్​పల్లిలోని ఓ ఆసుపత్రి ముందు చాలా రోజులుగా నిలిపి ఉంచిన ఓ వాహనానికి తగిలించి లాక్​ చేసి ఉంచిన హెల్మెట్​ లోపల పిచుకలు కట్టుకున్న చక్కని గూడు దిశ కెమెరాకు చిక్కింది.