8 జీవాలకు.. న్యూ లైఫ్.. యానిమల్ వారియర్స్ నయా సాల్ సక్సెస్ ఆపరేషన్..

దిశ,రాచకొండ : యావత్ హైదరాబాద్ ఆదివారం సాయంత్రం నుంచి సోమవారం సాయంత్రం వరకు చాలామంది యువత అందరూ నయా సాల్ జోష్ లో మునిగి పోతుండగా యానిమల్ వారియర్స్ బృందం మాత్రం మూగ జీవాలకు అండగా నిలబడ్డారు. ఆదివారం సాయంత్రం నుంచి 8 పక్షులను కాపాడి వారికి ప్రాణ గండాన్ని తప్పించారు. వారికి తిరిగి స్వేచ్ఛ వాతావరణాన్ని కల్పించారు. హిమాయత్ నగర్, అమీర్పేట్, నిజాంపేట్, షాద్ నగర్ లో రెస్క్యూ ఆపరేషన్ నిర్వహించారు.

ఈ 8 పక్షులు మాంజ లకు చిక్కుకొని వాటి తల, రెక్కలు తెగిపోయాయి. వేలాడుతూ ప్రాణాలను కాపాడుకునేందుకు వేచి చూసాయి.ఒక్కొక చోట దాదాపు 3 గంటల పాటు రెస్క్యూ ఆపరేషన్ చేసి వాటికి వైద్య చికిత్సలు నిర్వహించి వాటిని ఆరోగ్యంగా మార్చారు. యానిమల్ వారియర్స్ 9697887888 హెల్ప్ లైన్ కు ఫోన్ లు రావడం తో వారియర్స్ ప్రదీప్, సంతోష్, రొమేన్, రోహిత్ లు రంగంలోకి దిగారు.