చేపలు పట్టేందుకు వెళ్లి వ్యక్తి మృతి

దిశ, చిన్నశంకరం పేట: చేపలు పట్టేందుకు వెళ్లి ఓ వ్యక్తి కాళ్లకు వల చిక్కుకొని చెరువులో మునిగి మృతి చెందిన ఘటన శుక్రవారం చోటుచేసుకుంది. ఎసై సుభాష్ గౌడ్ కథనం ప్రకారం.. మండల పరిధిలోని గవ్వలపల్లి గ్రామానికి చెందిన తలారి సత్తయ్య గ్రామంలోని ఊరు చెరువులో చేపలు పట్టేందుకు చెరువులోకి దిగాడు. ఈ క్రమంలోనే నిటిలోకి వల వేస్తుండగా ప్రమాదవశాత్తు ఆ వల కాళ్లకు చిక్కుకొని చెరువులో పడి మృతి చెందాడు. మృతుడి భార్య లక్ష్మి ఫిర్యాదు మేరకు ఎస్సై సుభాష్ గౌడ్ ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం రామాయంపేట ప్రభుత్వాసుపత్రికి తరలించి కేసు నమోదు చేసుకొని దర్యాప్తు చేస్తున్నారు.